PALAZZO ALLIATA DI PIETRATAGLIATA
Ndër pallatet fisnike të Palermos kemi Pallatin Alliata di Pietratagliata, i vendosur në qendër të zonës historike, banesa e familjes Alliata, një nga familjet më të rëndësishme të Mbretërisë së Siçilisë. Kati kryesor mirëpret vizitorin në një sallë hyrëse mikpritëse të zbukuruar me dekor druri ku spikat një shkallë spektakolare, dhe prej këtej hyn në sallonin e madh të shekullit të katërmbëdhjetë. Mjediset e tjera ofrojnë një udhëtim në stilin Rokoko, me një shpërthim stuko, arna dhe afreske.
PALAZZO CONTE FEDERICO
Në zemër të Palermos, Pallati Conte Federico është një nga pallatet më prestigjioze të qytetit, një thesar i mrekullive të epokës arabo-normane, aragoneze dhe jo vetëm, në gjendje të shkëlqyer ruajtjeje, falë kujdesit dhe përkushtimit të pronarit aktual, Kontit Federico. Pjesa më e vjetër e pallatit është kulla arabo-normane e shekullit të XII-të e quajtur “Kulla e Kutisë”. Sot në kullë mund të admirohen dy bifore të bukura, një normane dhe një aragoneze ku janë vendosur stemat autentike të Qytetit të Palermos, të Svevëve dhe të Aragonezëve. Nga oborri i brendshëm, i zbukuruar me gur të gdhendur nga arkitekti i madh barok Venanzio Marvuglia dhe përmes shkallës së madhe prej mermeri të kuq, arrihet kati kryesor me sallonet e tij të shumta që pasqyrojnë epokat e ndryshme përmes të cilave ka kaluar historia e këtij pallati. Në sallonet e ndryshme, të mobiluara me mobilje origjinale dhe piktura të artistëve të shquar të kohës (shquhet një Madonna e shekullit të 15-të e shkollës së Sienës), mund të admirohen tavanet prej druri të pikturuara të shekullit të XV, afresket e shekullit të tetëmbëdhjetë të Vito D’Anna dhe Gaspare Serenario dhe koleksionet e ndryshme të armëve dhe qeramikës së vjetër.
PALAZZO BISCARI DI CATANIA
Pallati i Paternò Castello, Princër të Biscari, është ndërtesa më e rëndësishme dhe më e njohur e arkitekturës së shekullit të tetëmbëdhjetë në Katania. Është një nga pallatet më të vjetra të Katanias, dëshmi e çmuar e barokut siçilian, falë salloneve të tij të pikturuara plot magjepsje dhe elegancë. Nga hyrja në pallat, e cila bëhet përmes portës madhështore, arrihet në oborrin e gjerë që përfundon me një shkallë të rëndësishme në formë kapëse që ngjitet në sallën e madhe, prej këtej kalon në sallën e gjelbër, të pasur me piktura dhe dekorime mbi dyer, me një dysheme të bukur prej tullash me inkrustime guri të bardhë nga Sirakuza. Pasojnë Salla e Kuqe, nga ku hyn në Sallën Kryesore të Madhe, të quajtur e Orkestrës, një shembull i shkëlqyer i rokoko-së me ndikim napolitan. Një karakteristikë e rëndësishme e Pallatit është shkalla e dekoruar me stuko që princi Ignazio e quajti ‘re’, e cila ndodhet duke dalë në galerinë e madhe që shikon drejt detit.
PALAZZO BORGIA DI SIRACUSA
Pallati Borgia i Casale ndodhet në Sheshin e Katedrales në Sirakuzë, në ishullin Ortigia. Struktura ka sallone të shekullit të tetëmbëdhjetë (Dhoma e Stemës, Salloni i Udhëtarëve, Salloni i Arteve, Salloni i Dashurisë dhe Psikës, Salloni i Pasqyrave, Aolcova dhe Oborri i Shërbimeve), të karakterizuara nga piktura të kohës, stuko të çmuara, llambadarë kristali dhe mobilje të mëdha luks.
PALAZZO ROBERTO DI MESSINA
Vila e shekullit të nëntëmbëdhjetë dominon ngushticën dhe liqenet e Ganzirrit. Pas dëmeve të shkaktuara nga tërmeti i vitit 1908, u rindërtua në vitet Tridhjetë, sipas projektit të arkitektit Camillo Puglisi Allegra, i njohur në Mesinë për selinë e Dhomës së Tregtisë dhe Galerinë “Vittorio Emanuele”, i cili i dha prestigj të ri Vilës. Parku që e rrethon është zbukuruar, përgjatë aleve, me shumë skulptura të Antonio Bonfiglio. Një liqen i vogël e bën vendin vërtet të këndshëm dhe përrallor. Brenda, ambientet zbulojnë një vizion arkitekturor solemn dhe monumental, si për dimensionet e salloneve ashtu edhe për dekorimet, mobiljet, perde dhe llambadarët luksozë.
